واٹس ایپ صارفین کے لیے خوشخبری ہے، خاص طور پر وہ لوگ جو چیٹ کے پرانے گہرے سبز رنگ سے تنگ آ چکے ہیں۔ واٹس ایپ نے ایک نیا فیچر متعارف کروایا ہے جس کے ذریعے اب صارفین اپنی چیٹس میں پسندیدہ رنگوں کا انتخاب کر سکیں گے۔
میٹا کی زیر نگرانی واٹس ایپ نے iOS 24.20.71 اپ ڈیٹ میں یہ نیا فیچر شامل کیا ہے جس کے تحت صارفین کو 22 مختلف چیٹ تھیمز اور 20 الگ الگ رنگ دستیاب ہوں گے۔ اس اپڈیٹ کی بدولت، صارفین اپنی مرضی کے مطابق رنگین تھیمز کا انتخاب کر سکیں گے، جو ان کی چیٹس کو ایک منفرد اور دلکش انداز میں تبدیل کر دے گا۔
واٹس ایپ کے اس نئے فیچر کا استعمال بہت آسان ہوگا۔ صارفین ایپ کی سیٹنگز میں جا کر ایک ڈیفالٹ چیٹ تھیم منتخب کر سکتے ہیں، جو تمام چیٹس پر خودکار طور پر لاگو ہوگا۔ اس کے ساتھ ساتھ، اس اپڈیٹ کے ذریعے ایپ کا مجموعی تھیم اور رنگ بھی صارف کی مرضی کے مطابق تبدیل کیا جا سکے گا، جس سے ایپ کا استعمال اور زیادہ ذاتی اور منفرد بن جائے گا۔
یہ اپڈیٹ چیٹ کرنے کے تجربے کو زیادہ دلچسپ بنانے کے ساتھ ساتھ، صارفین کو ایک منفرد تجربہ فراہم کرنے میں مددگار ثابت ہوگی۔
