واٹس ایپ اپنے صارفین کے لیے ویڈیوز دیکھنے کے تجربے کو مزید بہتر بنانے کے لیے ایک نیا فیچر متعارف کروانے جا رہا ہے، جس میں ویڈیو پلے بیک کنٹرولز کو شامل کیا جائے گا۔ اس اپ ڈیٹ کے تحت، صارفین اپنی مرضی کے مطابق ویڈیوز کی رفتار کو ایڈجسٹ کر سکیں گے۔ اب ویڈیوز دیکھنے کے لیے تین رفتار کے اختیارات دستیاب ہوں گے: نارمل، تیز (1.5x)، اور بہت تیز (2.0x)۔ یہ فیچر خاص طور پر لمبی ویڈیوز دیکھنے کے دوران وقت کی بچت کے لیے انتہائی مفید ثابت ہو گا۔
اس کے ساتھ ہی واٹس ایپ ایک اور نیا فیچر "پکچر ان پکچر” بھی متعارف کروا رہا ہے، جس کی مدد سے صارفین ویڈیو کی ونڈو کا سائز بدل سکتے ہیں اور اسے اسکرین پر مختلف جگہوں پر موو کر سکتے ہیں۔ اس فیچر کا مقصد ویڈیو دیکھتے وقت مزید آسانی اور کنٹرول فراہم کرنا ہے، جس سے صارفین ویڈیو دیکھنے کے ساتھ ساتھ دیگر کام بھی باآسانی انجام دے سکیں گے۔
یہ اپ ڈیٹس واٹس ایپ کے iOS 24.20.78 ورژن کے تحت جاری کی جا رہی ہیں، جو صارفین کے ویڈیو پلے بیک کے تجربے کو بہتر بنانے کی کوششوں کا حصہ ہیں۔
